اشعار کردی

نوشته شده توسط:آریا حیدری در ایل کلهر » شعر کردی | ۲۱ تیر ۱۳۹۲ - ۱۵:۰۰ | ۴ دیدگاه

له‌ گڕمه‌هڕ◦ مانگ گۆڵان ڕخم نیه‌چوود / امید کریمیان
ده خیلدم باڵه و مه گر / مهوش سلیمانپور
ده‌سه‌یلد شه‌که‌تی نیه‌ناسن / دو شعر از احمد الماسی
گیه‌ڵان گیانه‌که‌م وه نه‌زرْ ناود / شعری از پرویز بنفشی
ئەر شەوێ دەر وابکەیدوو بیده مێـمانم چوه بوود؟ / پرتو کرماشانی
وه‌ختێ ک دلم گریه‌ێ تیه‌ی بغز دلم وا که‌ی / رضا موزونی
داخم ئه‌‌ڕاێ یه‌ێ شه‌و تره‌ک / علی الفتی
ده‌نگ ژنێگ ک تاشه‌وه‌کی چڕێده‌م / شعر تازه ای از علی الفتی
گَرد دِل خَوم هاتِمـه دیـوان تو دریـا / شعر زیبایی از منوچهر پروینی
چیو گوله‌یل خوه‌زێه‌وم // مهوش سلیمانپور
چند شعر لکی از قاسم ارژنگ/ / که‌‌سی هه‌‌س واز که‌‌ی ده‌‌ر و ده‌‌رانم ؟
ته‌وقْ خوڵه‌کوین / شیردل ایل پور
شنـــــه‌ی بادْ ســــــه‌رســـــــــه‌ر زانێ / شێعر:سه‌عید عباده‌تیان (بانان)
ماسی سیه ێ بێ گیرفانێگێم!
شعر زیبایی از پرویز بنفشی
واگه ێ پایز، هه ێ هه ێ هه ێ
چه ود هساره ێ شه وه یل منه
زنگانی
خوەر باڵ چەو گل دا
یه‌ی روژ دوواره تیْه‌یدِنه‌و...
شعری از رضا موزونی
یادی از استاد علی اشرف نوبتی ( پرتو کرماشانی)
چند غزل کُردی از جلیل آهنگرنژاد
شعری از شاعر کُرد کرماشانی : اسد چراغی
بهاریه ای از دکتر علی سهامی
که‌پوو وه‌یلێ بؤم له دره چووڵێ
له نوو ئاهوو خێالم گیره ئمشه‌و
له‌و شه‌وه‌ گ ماسیه‌گان له‌ێره چێن،....
د‌ێ چریکه ی بڵبڵ دالاهوو نه‌تید
ساز خوه‌شی ها وه کی ؟
ئرام جیێ پێا بکه له ژێر بال ئاسمان
ئه‌تر گوڵ گوڵوه‌نیِ داڵگه‌یل !
به‌یته‌لوه‌س بی ده‌نگ / شعری از علی الفتی
بال گرت و له‌ێ ولاته چێ کِ چێ / رضا موزونی
مه‌لؤچگه‌یل ماڵ سوو / دو غزل کوردی از جلیل آهنگرن‍ژاد
زلفه‌گه‌د مانگه‌شه‌وه / چند غزل زیبای کوردی از رضا موزونی
ئه‌گه‌ر واران وو ...
فرهاد جُورکیشه، ِمشتی سُخوان ِ خُشکه
دفتر دوسی منو خودا پری جه ریمه سه
من و وه‌فر و داڵه‌هوو
زه‌لان هه‌ڵس! بشێونه‌م / شعر کُردی جلیل آهنگرنژاد
کَم بنَن دَس وَ دلم غرقاو خوینه ای دله
ئه‌ێ دالگه‌یل مه‌گیرن / رضا موزونی
یه ی شانم ها وه بیستونه و
هه‌رچگه بۆ لاو برد
چراخ چه و ت دی نیه دلم یه تیمه دالگه
میلکان که لهور
رووله نه چوو سه ور هات
شعرهایی از اسماعیل ططری
له به‌تن زهنم ئاشووب وه پاسه

له‌ گڕمه‌هڕ◦ مانگ گۆڵان ڕخم نیه‌چوود / امید کریمیان

مه‌چوو لیم مه‌که‌! ئاێه‌م وه‌ پژمه‌ێ ناتێه‌ ک◦ وه‌ خه‌وێگ گه‌ن بمرێ تنیش خاس زانی ! ک◦ هاتن ...

دو شعر از امید کریمیان ۱ تیه‌و له‌ گڕمه‌هڕ◦ مانگ گۆڵان ڕخم نیه‌چوود هه‌میشه‌ تیه‌وێ هاشوونێ ک◦ سه‌ونزه‌و که‌ێ، وه‌هار◦ وڵاتم !! ئێرنگه‌ زانم ت◦ ، تیه‌وێگ بؤد ئڕام له‌ دؤاێ ت◦ وشک هڵاتم !! ۲ پژمه‌ مه‌چوو لیم مه‌که‌! ئاێه‌م وه‌ پژمه‌ێ ناتێه‌ ک◦ وه‌ خه‌وێگ گه‌ن بمرێ تنیش خاس زانی ! ک◦ هاتن هه‌میشه‌، چێێنێگیش دێرێ...! امید کریمیان

----------------------------------------------------------------------------------------------------------------------------------------------------------------------------------------------

ده خیلدم باڵه و مه گر / مهوش سلیمانپور

وه پیم ئۊشن بنیش دی هه ر وه شونێ ده و مه که

....

ده خیلدم باڵه و مه گر دی لی وڵاته ره و مه که بمینیه و رووژیل مه پر له تیه ریکی شه و مه که ئه گر بچی په ڵپد گرم بێ ت له تنیایی مرم زه خم دڵم مه کولنه و بیمار له رز و ته و مه که ئاگر که فێده گیان م وه ختێ که دیونم دی نیید گشتێ وه پیم ئۊشن بنیش دی هه ر وه شونێ ده و مه که چیی و له شار خاترد دۊره و بکه خێاڵه گه‌ێ دلم ئیو شێ بنیشه پای ئمشه و خیال خه و مه که تا رووژ مردن دی بپووش شه یو سیه له داخ دل هه رچێ کراسه لا بوه هه رگز شه یوه یل که و مه که ده خیلدم باڵه و مه گر دی له ێ وڵاته ره و مه که بمینیه و رووژیل مه پر له تیه ریکی شه و مه که

----------------------------------------------------------------------------------------------------------------------------------------------------------------------------------------------

ده‌سه‌یلد شه‌که‌تی نیه‌ناسن / دو شعر از احمد الماسی

ده‌سه‌یلد له هامار زنه‌ی تۊمێگ پاشینه ک هۊچ داس ِ ده‌م به‌تاڵێگ نیه‌تۊه‌نێ په‌ل پووه‌یل ِ باخ و جاڕد بوڕێ ده‌سه‌یلد له هه‌ناێگ ک خوسه وه تاوه‌و وارێ بوونه هه‌رچی که‌سم تا گه‌ڵاێ سه‌وزێگ وا وه دیاری ئه‌ڕام بارێ تا خه‌م له کوناوه‌جه‌یل ِ شه‌وار خوه‌ێ نوقمه‌و که‌ێ ده‌سه‌یلد شه‌که‌تی نیه‌ناسن ک بانانه‌یل ِ له ڕێ دڵ ِ فره‌ێگ به‌سانه‌سه پێ ده‌سه‌یلد ته‌نیا جی ئاوێانییگه ئه‌ڕا که‌مووته‌ره‌یل ِ ترسنوک ِ شێعر وه خاس زانم باوشد گه‌وراس چۊ ئاسمان ِ داڵاهوو... ئه‌حمه‌د ئه‌ڵماسی پیشکه ش وه کاکه سه‌عید عباده‌تیان **** ئه‌گه‌ر ئاسمان داێم له قین بو زه‌مین بێ‌په‌ڵه داێم له شین بو زه‌رده‌سیری ئه‌ر بوده سه مه رم مه‌هاڵه دڵم له فکر چیــــــــن بو وه‌ل چه‌رخ چه‌وه‌یلد هه‌ر وه‌هارم وه‌ل زه‌رده خه‌نه‌یلد هه‌ر وه‌هارم ئه‌ر نه‌ودن وه‌هارم چواروه‌ساڵێ وه‌ل خاتۊن خه‌وه‌یلد هه‌ر وه‌هارم چۊ ده‌ رکه م ئمجا عشقد وه دڵم چۊ تاوان بارکه‌م دڵد وه‌ دڵم چۊ فه‌رامووش که‌م ئه‌و هه‌مگه نازه چۊ ره‌نج‌بێوه‌ر که‌م ره‌نجد وه ‌دڵم

----------------------------------------------------------------------------------------------------------------------------------------------------------------------------------------------

گیه‌ڵان گیانه‌که‌م وه نه‌زرْ ناود / شعری از پرویز بنفشی

گیه‌ڵان گیانه‌که‌م وه نه‌زرْ ناود رووهم وه فداێ ئاو سراود

ئارزووم یه‌سه داێه‌م هه‌ر شاد بۊد پڕ سه‌فا و ساڵم پڕ ئه‌دڵ و داد بۊد

قڵاچه‌ێ قڵاد دی خراوه نه‌ود ماڵه‌یل به‌رزد وه ‌که‌لاوه نه‌ود

موورته‌گه‌ێ سراو هه‌رچێ لێ ماێه وه‌ده‌س نه‌زان نه‌چوو و زاێه‌

باخ و بووساند له میوه پڕ بوود ئاگر بزم دڵخوه‌شید گڕ بوود

پیر و جواند له ئومێد مه‌س بوون ستۊن کوومه‌ک ئڕا کول که‌س بوون

----------------------------------------------------------------------------------------------------------------------------------------------------------------------------------------------

ئەر شەوێ دەر وابکەیدوو بیده مێـمانم چوه بوود؟ / پرتو کرماشانی

ئەر شەوێ دەر وابکەیدوو بیده مێـمانم چوه بوود؟ سەر بنیده سینەموو ده‌س وه‌ سه‌ر شانم چوه بوود؟ وابکه‌یمن خوه‌ش خوه‌شه‌ک یه‌ی شیشه لەو به‌د مه‌سه‌وه ساقــیم بیدوو بنەیدن ســـــه‌ر وه‌ داوانم چوه بوود؟ من که گیان و عومر و ماڵم چی وه‌ تاڵان چه‌وت کوفر زوڵفت ئه‌ر بوه‌یدن دین و ئیمانم چوه بوود ؟ هه‌ر چمانێگ مردمه ، ئه‌ر یه‌ی که‌ڕه‌ت سه‌وزم بکه‌ی لیمووم ، سیفم ، شمامهی باخ و بووسانم چوه بوود؟ شوون کی بگرم ، له ئی زوڵماته مینەی کی بکه‌م ئه‌ر تــــــــــو بیده خضر ریم و ئاو حه‌یوانم چوه بوود؟ وه‌خت خه‌فتن ئه‌ر بچی په‌رته‌و چه خاکی که‌یده سه‌ر ئه‌ر بمینی هه‌م ، نیه‌زانم ده‌ردته گیـــــانم چوه بوود ؟

----------------------------------------------------------------------------------------------------------------------------------------------------------------------------------------------

وه‌ختێ ک دلم گریه‌ێ تیه‌ی بغز دلم وا که‌ی / رضا موزونی

له ده‌روه‌چه‌یل ماڵه‌گه‌‌ێ شه‌وه‌کیان خوه‌رێ هڵاێ

یه نؤر ئێل ئیمه‌سه، ماڵه‌یله‌گان بکه‌ن دوعاێ

ئه‌گه‌ر ته‌مام ئاسمان خودا بکێدنه‌ێ د به‌ش

به‌شێگه ‌لی ئراێ ولات ، به‌شێگه لێ چه‌وێ تواێ

هناێ له مالگه دراێ، که‌ل و مه‌ل و کؤه ک هؤچ

گله گله هساره‌گان، وه پاێ په‌تی تیه‌نه‌و نواێ

چه‌وه‌یله‌گه‌ێ وه لوو خه‌وه‌و ، هساره سه وه رؤ شه وه و

که‌سی ک که‌یدنه‌ێ چه‌وو، خودا بکه‌ێ چه‌وێ دراێ

وه‌تم ک مانگه شه‌و بنه‌م له بان گیسه شووره‌گه‌ێ

نه‌مه‌ن له بان ئێ زه‌یوه ، هساره ده‌ق بکه‌ێ ئراێ

کیه دواره باوشێ، له دور وا بکه‌ێ ئرام

کیه ک یه‌ێ گرێ بنه‌م، سه‌رم له بان هه‌ر دِ پاێ

ئه‌گه‌ر وه گووش ئاسمان، عه‌زیزه‌گان ده‌نگم ره‌سێ

خوه‌شا وه حال هه‌رکه‌سێ، ک دالگێ هه ها له لاێ

به‌و پا قه‌دمد خاسه

وه‌ختێ ک دلم گریه‌ێ تیه‌ی بغز دلم وا که‌ی

زانم ک هه‌وا خوامی، حه‌یفه که ت حاشا که‌ی

سه‌د دیوز و که‌له‌ک ده‌یدن، هه‌ر جا ک بچم ته‌یدن!

سه‌نگ بود ته‌ره‌ک به‌یدن، ئی جوره ته‌ماشا که‌ی

له‌ی باخه په‌لی وشکم تا بال و په‌ڕی وا که‌ی

هه‌ر جورِ مه‌لؤچگ ته‌یی، له‌ی بان ِ په‌له جا که‌ی

که‌م دی ت هه ده‌س ده‌س که، گلیه‌ی له‌م دی به‌س که

شێته‌یل په‌رینه‌و گشت، تا‌گه‌ر که ت پاپا که‌ی

که‌ی بوود هه چؤ ئه وسا، بایدن ته وه ئی ده‌ورا

چؤن دلخوه‌شی گه‌ورا، له‌ی ناو دله به‌ر‌پا که‌ی

له‌یره هه ‌ده‌نگ و باسه، ئیوشن ک ت تیه‌یی راسه!

به‌و پا قه‌ده‌مد خاسه، ئێ ملکه ت ئاوا که‌ی

په ری

ئه‌و په‌ری با‌ڵا ‌بڵین گو‌ڵ ده‌مه

چؤ ئمامێ زریه‌گه‌ێ بگری که‌مه

ناز و خا‌ڵ و سێف و باێه‌م به‌و بوه

هه‌ێفه ئه‌ر هه‌‌ڵ ویژنیدن، ده‌ر هه‌مه

چه‌و هساره، زلف خاوێ چؤ چه‌ویر

قامه‌تێ سه‌وزو شرین خورماێ به‌مه

رێ بڵه‌ێ‌ هه‌م له‌ێره سه‌ر لێ شێویه‌ێد

زلف لؤل ِ هؤل ِ خاوێ پر خه‌مه

بال گرت و له‌ێ ولاته چێ کِ چێ

ماله‌گه‌ێ سه‌ردم رمان ئێ ماته‌مه

ئێ کؤیله بغز کوو به‌سیاێ زه‌ؤ و

ئاه سه‌رد ئاسمانه ئێ ته‌مه

----------------------------------------------------------------------------------------------------------------------------------------------------------------------------------------------

داخم ئه‌‌ڕاێ یه‌ێ شه‌و تره‌ک / علی الفتی

داخم ئه‌‌ڕاێ یه‌ێ شه‌و تره‌ک خوه‌د بؤدو به‌زم سه‌ر شه‌وێ

تا گه‌ر دواره بشکنیم له‌و بو هه‌ناسه سه‌ر خه‌وێ

تیه‌ریکه شه‌و بگرێدن ئێ مانگه شه‌‌وه‌یل بێ نزه

کووره‌و بوودن ئه‌وماڵه‌گ نه‌ودن له ناوێ چه‌و که‌وێ

ھﻪی ئاهوو تاشه‌یل به‌رز هاکوو خه‌‌ێاڵ سه‌وز ت

بشکێ ده‌س ئه‌و کافره کرده‌د وه نه‌خش قه‌ێ نه‌وێ

وه‌رده‌یل وشک باێر ئێ گه‌رمه‌سێره بؤ‌نه چه‌و

به‌و‌ چیین‌ که‌نگڵاشنگ بنووڕ له‌ێ گه‌رده‌تؤچانه ده‌وێ

وه‌ختێ وه ‌میل سرمه دان سؤەڕمی شه‌وار کیشێده چه‌و

هؤرد وه پێمه‌و بوو که‌سم یه‌ێ ده‌ف بیه باڵ ﭽوێ

----------------------------------------------------------------------------------------------------------------------------------------------------------------------------------------------

ده‌نگ ژنێگ ک تاشه‌وه‌کی چڕێده‌م / شعر تازه ای از علی الفتی

(ئایه‌م هه‌رچێگ گوم بکه‌ێد

رۆژیگ ئایه‌م تره‌ک

دؤنیده‌وه‌‌ێ

بایه وه تاڵێگ به‌ن

ته‌مام ئایه‌مه‌یل

بوه‌سیمه‌ یه‌که‌و

تا که‌سێگ گوم نه‌ود)

ناتالیا ۸۸

***

جۆر سیه‌پرؤسنه‌که‌گان

ک دؤاجار

له ده‌ر ماڵ خودا مرین

هه‌ر سه‌رپاسارێگ تؤه‌نید نیشتمان م بوود

ئه‌مانێگ نیه‌زانم

ده‌نگ ژنێگ ک تاشه‌وه‌کی چڕێده‌م

تا چه‌نێگ راس بوود؟

دؤر له شارسانیه‌ت

م وه چه‌و خوه‌م دؤنم

شه‌خڵ روومان هه‌ر دؤه‌تێگ

له ناو کانیاوێگ

له واران شکێد

دوباره دؤنمه‌ده‌و

ده‌نگ گوم بؤ

له ده‌راوه‌یل دؤر

ناتالیا

(له کتاو له ژیر چاپ (سزیان وه فر)

----------------------------------------------------------------------------------------------------------------------------------------------------------------------------------------------

گَرد دِل خَوم هاتِمـه دیـوان تو دریـا / شعر زیبایی از منوچهر پروینی

دریـا

گَرد دِل خَوم هاتِمـه دیـوان تو دریـا

خَوم دامَه سه دَس موج پریشان تو دریا

هیور تو دلم خسته ری و هاتمـه لادو

تا هر چـه دِرِم بیلمـه داوان تـو دریــا

لی لاوه سری دامه کیو و جنگل سوزت

وختـی که رِیِم کفته سرخـوان تو دریـا

زانی که دلم لی سفره قصد و قصه ی چَس؟

هـاوردیـه تا بَیدمـه تـاوان تـو دریــا

هاتم له هوای تو نفسی تـازه بکیشـم

وَی توز و تَپَ هاتمـه سیـران تو دریــا

دل طاقت بار غـمِ اِی عشقمـه نَیـری

باو تا کـه بدامـَه رزِنمی شـان تو دریـا

ار عشق تویدن که بزانی چَه وَ دل کرد

یَی دف تو بنوره خود و طوفـان تو دریـا

شق شق بیه ای زار و زیوه' تا که بواری'

واران قَسَمی دامـَه دل و گیان تو دریـا

اَو مشکـه ی آور کَرَمِ کولـده پِرکَــه

تا بِرشِده زیو نِـم نِـم واران تـو دریــا

هشکه دَمِ زیو ' تینیه با خیل رنگینی

دی دَیـن اَوانه و مل و شـان تو دریــا

تاوسـان که دَورِ تونـه وَ بـاوشِ وازت'

گشت بونـه تماشاکر و حیران تو دریـا

زمسانه که دلگیری و هم خلوته دورت

مِـه هاتِمَسَـه پیـری زمسـان تو دریـا

آو بیـدخِ موجِ غمده کِردمـه نیشـان

شـاید شَوِتِر بویمِنـه مهمـان تو دریـا

له خاص وگن عشق گذشتـم تو بزانـه

دامة مِل موج تون و عصیـان تو دریــا

یی بغچه له اَورت بیه سوغـات بویمن

شاید یکی هر هاته نُوام ' گیان تو دریـا

----------------------------------------------------------------------------------------------------------------------------------------------------------------------------------------------

چیو گوله‌یل خوه‌زێه‌وم // مهوش سلیمانپور

دو غزل کُردی از مهوش سلیمانپور

ته‌مه‌لیوله بێ‌قه‌رارم له‌ێ زلانه هایده کو؟

پرله سووزم له‌ێ شه‌واره رێ به‌نانه هایده کو؟

له‌ێ ولات بێ که‌سه وارانیه ئه‌وره‌یل دل

دی بره‌س تا وا بکه‌یدن ئێ زوانه هایده کو؟

چیو گوله‌یل خوه‌زێه‌وم وه‌لنگه‌گه‌م چریوسیاس

بێ ته شکیاێ به‌ن به ‌نێ له ئێ سقانه هایده کو؟

تاله نوو ئه‌ور سیه‌ێ بێ ت بوارێدن وه تووف

له‌رزه‌له‌رز داگرتێیه ئێ ئاسمانه هایده کو؟

هه‌رچێ چه‌و گل ده‌م وه ئێ کیوچه‌یل پرله حه‌سرته

نه‌نیومه‌د بر‌یاێه رشته‌ێ ئێ ژیانه هایده کو؟

هاوار و سه‌د هاوارمه له ئێ دل خه‌م بارمه

چیو ئاگرێ سزانێه ئێ گیان بێ ئقرارمه

خوه‌زیه‌و نیاشتام ئێ دله تا درمنه و زارم نه‌که‌ێ

بیلا بمرم له ده‌س ئێ یار لا کردارمه

شه رتو له داخ ای دله دی وه قه راری ری نه کم

هه‌ر شه‌و وه بخچه‌ێ پر له خه‌م سه‌ر کیشیده‌ێ حسارمه

هه‌ر چێ وه پیم کردی به‌سه دێ ده‌س له له‌جبازی بکیش

بیلا خه‌وه‌ردارد بکه‌م له‌ێ ژان نادیارمه

هاوار و سه د ها وارمه له ئێ دل خه مبارمه

چیو ئاگری سزانیه ئی گیان بی ئقرارمه

---------------------------------------------------------------------------------------------------------------------------------------------------------------------------------------------

چند شعر لکی از قاسم ارژنگ/ / که‌‌سی هه‌‌س واز که‌‌ی ده‌‌ر و ده‌‌رانم ؟

ئاسمان دڵگیره ‌‌له ‌‌من

ئیوه¬ هاتین¬ ماچێ چاویلم ¬کردین

له‌‌ی ¬ئیواره ‌‌ک ‌‌چک چکی چاوی ئاسمان دیاره

پنجه ‌‌ماله‌‌گه‌‌م چوی دل ئیوه ‌‌منینید

مژ نیاسه¬ هه‌‌وای که‌لیمه¬گانیگ ک ‌‌دوس دیرن په‌‌نجه‌‌ره‌‌ێ ماله¬گه¬م¬ له‌‌ ئه‌‌و به‌‌رزڵانێ بو

تا ‌‌خه‌‌وه‌‌رێ بێ دنگێ¬مان بونه‌‌ ئه‌‌راێ مانگ

ده‌‌سێ یه‌‌ک گریمن

ئاسمان زانێ مانگ توه‌‌ێد باێده‌‌ ماڵ

ئه‌‌ژ سه‌‌ر جا پام نییه

گیانم ها ته‌‌نگ و بار سه‌‌نگینه

نیزک ترین جام گوڵه‌‌ێ زه‌‌مینه

که‌‌سی هه‌‌س واز که‌‌ی ده‌‌ر و ده‌‌رانم ؟

تا بورانم که‌ر ‌‌و مژ و ته‌‌م ؟

شه‌‌وه‌کێ روزێ شه‌‌دێ ڵێو بنه‌‌ێ ئه‌‌ژ سه‌‌ر سینه‌‌ێ خه‌‌م

بوشم خوه‌‌ش هه‌‌تین پاته ‌‌سه‌‌رێ چه‌‌م

خه‌‌نه‌‌ێ ئه‌‌زبوه

گه‌‌نمێ ڵێو ته‌‌ر

چوی شعرێ خوه‌‌شێ ئه‌‌ژ ژێر لیسکێ هویه‌‌ر

بووه ‌‌نیشانه ‌‌ژینێ عاشقه‌‌ڵ

مه‌‌نوێ نه‌‌وین ؟

ک ‌‌‌هه‌‌رچێ گوڵ و ده‌‌رخت و که‌‌ڵ و که‌‌مووته‌‌ر وئاساره‌‌ێ قالێ¬

شه‌‌که‌‌ت تر ئه‌‌ژمن و تونن

مه‌‌زانین که‌‌ ئاسمانێ ئمسالیش دل ره‌‌ق¬تر ئه‌‌ژ هه‌‌رساڵه

ک دوس نیری گوڵ باخێ ژینمان هه‌‌ر ڤهار دوجاره ‌‌چویزه‌‌ به‌‌ێ

دره‌‌ختیک ک له‌‌ق و په‌‌لێ لانه‌‌ێ په‌‌له‌‌وه‌‌ره

شیوه‌‌ێ خه‌‌یاڵێ هه‌‌زار ژه‌‌نه‌‌

ک ‌‌داریان ها سویکێ ماڵیک تار

مه‌‌نوێ نه‌‌وین ئافره‌‌تێ شارێ بی وچان

ئم¬شه‌و هه‌ورێ ره‌ش

رووناکی پرچم دابری

ده‌زانی له‌به‌ر چی ؟

ئاواتی کچان ده¬خوازم

دایه ، چه‌ند کچت بووکی خاک کردووه

ک له بۆنی خاک

هه‌ناسه‌ی ئه¬وینیان ده‌بیسم

----------------------------------------------------------------------------------------------------------------------------------------------------------------------------------------------

ته‌وقْ خوڵه‌کوین / شیردل ایل پور

هه‌گ زه‌مین ورسێیه‌ و

هه‌ڵقه‌پنێد و

له‌ قه‌تڵانگه‌‌‌‌ێ کووانێ

فه‌تیره‌‌ێ وه‌ گشتێ زامه‌گانێیه‌ و

سلا دده‌‌ێد؛

ئێواره‌س! سائه‌ت یانێ چه‌؟

هه‌گ مناڵه‌یل ئه‌و سه‌ر جهان

وه مه‌چیره‌‌ێ بازووه‌یلێیان

باده‌وانێ هه‌ڵدخه‌ن؛

شه‌وه‌کییه‌! زه‌مانێ یانێ چه‌؟

بیلام له‌ ده‌ربه‌سی ئێ جاده‌ و

ماشینه‌یلێ داوا‌زییه‌م

ک ده‌مه‌و خووار وه‌ مه‌رگ فکر دکه‌م

له‌ ناوه‌ین دو کؤه‌‌ێ دڕنه‌ و ئاوس و

گشتێ ئومر ژیان هه‌مته‌زاریێگ بؤچگه‌و

نقؤره‌‌ێ ناباب

بیلا داوه‌زییه‌م و

له‌ پێڵاگانم

دو پیا بکاڵم

ک نوقما بوون له‌ نه‌غمه‌‌یلْ ئێواره‌

تا چه‌ن شه‌و

له‌ ته‌خته‌یلْ تاره‌مایی کشماتن و

زر‌ه‌و قڵانقووڕْ سڵامه‌تێیان دی وه‌ شمشێر نؤر

زام هه‌لنیه‌گرێ

یان ئاوا بوون له‌ هه‌یشتده‌رخانه‌یل شه‌وه‌کی

تا چه‌ن رووژ له مه‌رخوزارْ بلووقه‌ت

قه‌ێقه‌تار مه‌رگ به‌سانه‌ و

ک چرکه‌ چرک ساته‌گان

قه‌بووزه‌یلْ هه‌میشه‌‌ێ ده‌‌ێدامێگن

بێ‌له‌ش

ک‌‌ ئه‌نه‌خوردی زه‌مان

سله‌وه‌جا دکه‌ن و

له‌ خوتووره‌‌ێ بێ‌زه‌مانیێگ فڕه‌د دده‌ن،

ک ناوْ نیوتۆن له‌ هؤچ دارْ سێفێ دارالووس نییه‌

ئامان گالیله‌‌!

خوه‌زوو ئه‌قه‌وره‌ کوره‌وی نه‌بؤاتای

له‌ په‌‌ێجوور کردن مه‌رگ

داڵگم وه‌ کلیساێ کاتۆلیک ده‌خیل به‌سێد و

به‌‌ر مه‌شکه‌گه‌‌ێ گرده‌و دبوود

باوگم قانوونْ جه‌زره‌و نه‌زانس و

سێف داره‌گانێ وه‌ ده‌س چنیه‌و.

کی وه‌ت له‌ چوارده‌ڕێیان داته‌که‌یل و

ته‌ڕافْ یه‌‌ێگه‌ری بزام؟

تا جامه‌ک له‌‌ێوا جارمه‌و بده‌‌ێد و

من خوه‌م وه‌ بێ‌مدوو نه‌ناسم

کی ناونێشانْ سقانه‌یلم دا؟

پووڵاسازان و برجه‌یلْ بڵێن

خه‌وه‌رم له‌ کی گرتن؟

ک نـؤنْ من ئڕا ماشینه‌یل و موترچییه‌یل دا؟

تا له شپرزیی که‌شکێنه‌یل و که‌له‌سه‌رکم

مه‌ێدانه‌یلْ مه‌توو بسازن

بیلام له‌ خایه‌یلم ترمیناوورێ جهانْ سێیمی

له‌ خه‌و هه‌ڵسێد

ک خاکْ بێ‌‌خه‌وه‌ری پاشینه‌و

خه‌و دیمه‌ ملیونێ ساڵه‌ مردمه‌:

خوه‌ر له دیمێ ک په‌نجه‌ره‌گه‌‌‌ێ

خه‌روار خه‌روار

خاکْ باستان داگرتێیه‌سه‌‌‌ێ

تؤش نووڕ و ناشڕه‌‌ێ ئه‌شیره‌تێ

گرژ هاتێیه‌ و

له‌ یه‌ره‌ق په‌رچه‌مه‌یلێیان

نه‌ورووز ساڵشمارێگ کفران‌تاڵه‌سه‌و

ته‌نیا ده‌نگێ ک هێـمان په‌ێجوورم دکه‌‌ێد

قوڕگْ دوڕاجه‌‌‌ێ مێهرگیاێگه‌،

وه ئه‌ژم داڵگانه‌‌ێ باوشێیه‌و

ک په‌‌یامْ مه‌مگه‌یلێ

نـؤنده‌رْ که‌شکه‌شانێگه‌

ک گووڕه‌گه‌‌‌ێ من

قه‌مه‌‌رێ ده‌س‌سازه‌ له‌ تێیا و

له‌ێ مه‌نزوومه‌‌ێ ئنسانییه‌

باوگم وه‌ گاجفته‌گه‌‌ێه‌و

له‌ کاڵ و مه‌کاڵ مناڵییم

هێش ئه‌زره‌ت دده‌‌ێد و

بانه‌بانه‌ شانامه‌ دوه‌شنێد:

«هه‌و هه‌و»

ئێ «راوه‌ن»ه‌ نیشتمانْ من نه‌بؤ

ک لیموو کاڵێ کردن وه‌ ئه‌زره‌ت

- یه مه‌زراێ کییه‌؟

ئێ «ماێشت» تیه‌ریکه‌

ک گاگان له‌ تێ چنه‌و له‌وه‌ڕ و

پیا خه‌و جامه‌کێ دوینێ:

پێش له‌ ملیونێ ساڵ پێش

وه‌رواسه‌ له‌ تێ کاڵێیه‌و

هێمان جقیڕه‌ نه‌داس

ک خاک مردێ پاشینه‌و

سێفێگ وه‌ گشتێ بڵێسه‌گانێیه‌و

له‌ شه‌وخه‌فه‌گه‌م سه‌رده‌و بؤ و

سێوه‌ره‌گه‌م له‌ دارْ خاشخاشێ دارالووسه‌ و

خێپْ که‌‌ڵه‌شێره‌یلْ ناوه‌خت

له‌ ناوڕووان سینگم

له‌ به‌ختیاری منه‌ هاتێ

ک شه‌واره‌یلْ فره‌‌ێ رشیانه‌سه‌و یه‌ک و

وه‌ ده‌نـؤڕه‌‌ێ شێعر هێڵێیان دده‌م

هه‌ر شه‌و دبوود وه‌ هێڵێگ و

هه‌ر هێڵ چه‌مێ ک ئاوْ لیمووکاڵان

له‌ ئه‌‌ندامْ ژنه‌یل دده‌‌ێ

ئه‌وانه‌ی ک هاتێ «دووسێیان داشتمه‌»

یا نه‌؟

ک خاک بێ‌‌خه‌وه‌ری پاشینه‌و

ئاخو گامه‌گانم ئه‌قه‌وره ئه‌وزینه‌ نه‌کردنه‌

تا گه‌ڵواز بگرمه‌ سه‌رْ ده‌لیاگانه‌و؟

ئاوه‌خته‌گانم، ئه‌وقه‌ره‌ بازڵه‌وه‌ نه‌بؤنه‌

تا وازبگرمه‌ سه‌رْ قه‌مه‌ره‌گانه‌و؟

ئاخه‌ن! هه‌وه‌سه‌گانم هێمان وه‌ بلووقه‌ت نه‌ڕه‌سینه‌

تا گه‌ڵتاف بنه‌مه‌ سه‌ر خه‌وه‌گانه‌و؟

- هه‌ێ کاکه‌!

ئاخ و داخی چی؟

ئه‌مریکا، به‌ فڕۆکه‌وه‌ ده‌چن

پانتووڵه‌که‌ت داخه‌ و

فێری ئه‌وه‌ بوو که‌ چۆن له‌ بارێک‌دا

سیگارێ «به‌رگ» بکیشیت و

مات و مه‌نگ

سه‌یری زه‌ریا و لاقی رۆتی ژنان بکه‌یت.

هه‌ڤالم!

خاستر هاتێ ئه‌وه‌ بوود

ک ویر له‌ چزه‌‌یلْ نووڕگه‌‌ێ ناتمامی بکه‌ید

ک «ده‌لیا وه‌ ده‌م سه‌گ چه‌په‌ڵ نیه‌ود»

هه‌رساێ پڵاسیکی ژیامه‌

گوواێ «مه‌ل گووشت‌خوه‌ر ده‌نـؤکێ چه‌فته‌» و

هه‌واڵْ من له‌ هه‌ڵؤه‌یل هه‌وراز بپرسن

له بازه‌یلْ به‌رزه‌فڕی

ک تامْ شه‌ومه‌نه‌یْ ▲ و ▄ و شار

یان رێ و ریازی و له‌‌‌ڕگ

له‌ یه‌ک دپاچنێده‌م

هه‌واڵ من له‌ هه‌وره‌تریشقه‌‌‌ێ شێته‌ وه‌رزه‌یل بپرسن

ک وه‌ پێزوکی جاڕه‌تلیاقێ تێخ دام و

باوگم رفتێ نووڕ وارییه‌ پێما

داڵگم وه‌ لیفێ تلیاق

له‌ جل‌شاڵێگ پێچاده‌م و

له‌ کولووری کوتێنگ دارْ که‌ێکووێگ

له‌ هزار سال نه‌زووکی لاوانه‌م و

شڵ ئاوه‌خته‌گانم وه‌ شه‌تاوه‌‌ێ دێوڵ و سنج دان

ساێه‌ڵ پیاگێ وه‌ گاجفته‌گه‌‌ێه‌و هه‌ر شێعر هه‌ڵاورد و

من ده‌ گافاره‌گه‌م دو گه‌ز پیاگم ئێرنگه‌

هاوساڵانم شڕیفه‌‌ێ مووره‌یلْ چه‌نی چه‌ن ساڵه‌‌ێ

ته‌نیایی ژنه‌یل بؤ

ک ئێسه‌ له‌ منا قوڕاته‌ به‌سانه‌ و

قوڕات له‌ سه‌رێیان دده‌م

ک خاک مردێ پاشینه‌ و

دار، من دکه‌‌ێده‌ قه‌‌ێ خوه‌‌ێا

ک بێ‌به‌ری به‌رواتێ نه‌که‌ێد

گیرفان خوه‌ێ دکه‌‌‌ێده‌ قه‌‌‌ێ منا

تا کورووره‌‌یلم ته‌نانه‌ت تا په‌‌ڕْ پیه‌لؤه‌یلم بڕ نه‌که‌‌ێد

جاده‌، من وه‌لْ خوه‌‌ێا دبه‌ێد

ک ته‌نیایی پخێ نه‌که‌‌ێد

جامه‌ک خوه‌‌ێ له‌ وه‌راێوه‌رم لؤه‌ته‌و دکه‌ێد

تا گریه‌‌کووره‌‌یلْ خڵقه‌تم له‌ تێیا دامڵکنم

دڵنگه‌گانم من دنه‌ن له‌ زگ خوه‌‌ێان و

که‌مێ ئه‌ولاتر قه‌‌ێم دکه‌ن

گوواێ یانه‌ هیچکام نیشتمان من نه‌بؤن

ئه‌‌ێ ئه‌وره‌یلْ هاوچه‌رخ!

ک مۆدڕن دؤکه‌ڵ و به‌زم سؤرێ سرفتی سه‌ر دخه‌ین

ئێ لؤتکه‌یله‌ ک هه‌ر وه‌هار وه‌ گووانه‌یل ئافییه‌ت

شیرێیان دده‌ین

نیشتمان من نه‌بؤن

ئاخ! واهێلانه‌یلْ مۆدڕن

ک داونه‌ێ سه‌وارات و

فه‌تیره‌‌ێ ئه‌یدز خێرات دکه‌ین

ئێ دارسانه‌یله‌ ک هه‌ر پایز

له‌ وه‌رواسه‌ دسڕینان

نیشتمان من نه‌بؤن

کام وه‌ته‌ن؟

کام ده‌ڤه‌ر؟

کام سه‌رزه‌مین؟

بیلام ئێ خێاوانه‌‌یله‌ وه‌ په‌تی شاڕووم بکه‌ن

له‌ تلؤقه‌تْ ترسنووکْ خوه‌‌ێان

بیلا دارته‌له‌گان دوواژه‌مه‌و بکه‌ن و

له‌ پاساژه‌گان، ته‌قه‌ڵ بخوه‌م

ک نیشتمان من ئێ‌دیم - ئه‌ودیمه ‌و

نه‌ ئێ‌دیمه‌ و نه‌ ئه‌ودیمه‌

یه‌ گه‌پْ قه‌دیمه‌ و

من نه‌ بؤمه‌ و نه‌ دیمه‌

نازاره‌گه‌م!

هاتوچووێ ریازی

له‌ هه‌‌ێمه‌‌ێ داێر‌ه‌ و

موسته‌تیلی پڕ له‌ سه‌رد و

خێ ئه‌و جامه‌ک دان،

سه‌رگه‌ردانییْ هؤرمانه‌یله‌

له‌ خاک هودووس

نازارم!

هه‌گ سه‌ردانْ من دکه‌ید

ده‌سماڵێ ئنار وه‌لا بار

ک چووڕه‌ چووڕْ خؤنێ له‌«گوڵێن»ه‌یل گوم

تا هه‌ڵه‌تانْ خامووش له‌‌ێ خاتره‌

خاک مه‌تووی بشوورێ

ک دڕاکه‌‌ێ من و

ئێ نشاته‌یلْ نامووه‌

ئێ نسار و خوه‌ره‌تاوه‌یله‌

ئێ دوتانه‌‌ێ پشیاێه

هیچ له‌ یه‌ک فام نیه‌که‌یم

ک من دێر هاتمه‌

نازارم!

گه‌ردْ داشته‌یلێگا

فرت و کاڵ

وه‌ک هه‌قیقه‌ته‌یلێ نادیار

ک زه‌مان له‌ مه‌‌ێدانه‌یلْ خوه‌‌ێ

دوورێیان دده‌‌ێت،

له‌ دووراێ‌‌دوورێ بێ‌سه‌مه‌ر

وه‌ ئه‌زموونْ شه‌فتـؤله‌یل

هه‌ێواین له‌ ده‌رساتێگه‌

ک ترتی هناس له‌ ساقْ وه‌نه‌وشه‌ ئڵاجه‌وی‌تره‌‌و

هه‌میشه‌ ده‌ گورگ و مێش دقومێد

که‌مێ دێرتر له‌ دێر...

* این شعر در کتاب له مستر له ره نگ (بی حس تر از رنگ) به چاپ رسیده است.

----------------------------------------------------------------------------------------------------------------------------------------------------------------------------------------------

شنـــــه‌ی بادْ ســــــه‌رســـــــــه‌ر زانێ / شێعر:سه‌عید عباده‌تیان (بانان)

ئـــــــــومرْ جه‌هــــــان تــه‌ێ‌ کردمــــــه‌ دنیـــــــا له‌ ســــــــه‌ر ڕه‌ێ‌ کردمــــــــه‌ زه‌ۊ گـــــــوڵ وه‌ گــوڵ په‌ێ‌ کردمه‌

ئـــــه‌وه‌ ونــــه‌ی ده‌نـــگ کییــه‌ ئۊشـێ: کْ تْ هۊچــد نییـــه‌ تــــــه‌رمْ شـــــــــــه‌رمْ ده‌وران کیشــــــم ســــــــــــووزْ به‌رد و به‌وران کیشـــــم یانه‌ گشتــــێ وه‌ گیان کیشــــــــــم ئـــــه‌وه‌ ونــــه‌ی ده‌نـگ کییــه‌ ئۊشـــێ: کْ تْ هۊچد نییـــه‌ خاپــــــــــۊرْ خــــــــاواره‌یـــل منـــــــــــم له‌شْ ســــه‌رْ داره‌یـــــــــــــل منـــــــــــم ده‌روه‌ده‌رْ شــاره‌یــــــــــــــــل مـــنـــــــــم ئـــه‌وه‌ ونــــه‌ی ده‌نـــــگ کییــه‌ ئۊشــــێ: کْ تْ هۊچد نییـــه‌ دارْ که‌ێــــــکـــــــوو بێ‌بــــــــه‌ر زانـــێ شنـــــه‌ی بادْ ســــــه‌رســـــــــه‌ر زانێ هه‌م مانگ زانێ هه‌م خــــوه‌ر زانێ زاگرۆس ئشکه‌فت ئشکه‌فت زانێ جه‌رگێ، جه‌سه‌ێ، پووسێ، گیـانێ دارێ، وه‌ڵنـــگێ، پــــــۊشێ، سانێ ئـــه‌وه‌ ونــــه‌ی ده‌نـــــگ کییــه‌ ئۊشــــێ: کْ تْ هۊچد نییـــه‌ م ئــــــــاوه‌نْ ئاوه‌‌یشتــــــه‌یــــــل بــــۊم هــــــــــزاران ساڵ له‌ ده‌یشته‌یـل بۊم باڵْ بـــــــــــه‌رزْ فرێشته‌یــــــــــل بــۊم ئـــه‌وه‌ ونــــه‌ی ده‌نـــــگ کییــه‌ ئۊشــــێ: کْ تْ هۊچد نییـــه‌ بـــــــــێ شــــــــوانن په‌سه‌‌یـــــــــلْ م تــــه‌رفْ تـــۊنــــن که‌سه‌یــــــــــلْ م وا دره‌و کـــــــــــه‌ن ده‌ســـه‌یـــــلْ م ئـــه‌وه‌ ونــــه‌ی ده‌نـــــگ کییــه‌ ئۊشــــێ: کْ تْ هۊچد نییـــه‌

----------------------------------------------------------------------------------------------------------------------------------------------------------------------------------------------

ماسی سیه ێ بێ گیرفانێگێم!

له ده لیاێ سوو

ماسی سیه ێ بێ گیرفانێگێم

ده مێگ پر له هاوار ها له شوونمان

چه وێگ وشکنێده مان

ریاره یل گوممان که ن

شوون به ره یل،

ئیواره وه هناسه برگی

شوون پاێ ماسێێگ دیوننه و

گ له ده لیاێ قاقه زینێگ منه ی زنیانی کرد!

دنیا گیانه وه رێگه

چه مه گان

ڕه گه یل گیانێێن

ماسی گیانیه

گ له ناو چه مه گان زنه ی سیوله ێ تێد و

ماسیگره یل شه وار زمسان

خه و ئڕاێ دیونن!

ماسی سێنزه ێگ

له سقان سه رد تکنولوژی ده رچێ

ڕیاره یل وه یل خوه رئاوا

له ش ماسیێگ

وه شان شه که ت مه لێگ له زاگروس دین

گ برده ێ له ناو مه ته له یل

که یوانو بی دێانێگ

نغمێا بکه‌ێ

----------------------------------------------------------------------------------------------------------------------------------------------------------------------------------------------

شعر زیبایی از پرویز بنفشی

میه‌رێ که‌و

په‌نجه‌ێ مانگ ئمشه‌و وه شێوه‌ێ نووێ

هاتێه وه پێشواز نازْ ئه‌برووێ

هساره‌ێ وه ره‌نگ نوقره‌ێ نوو ره‌نگه‌و

کاروانی کاوه گرتیه وه ده‌نگه‌و

کاروانی ئمشه‌و خه‌ێاڵـه خه‌و نه‌و

وه‌و شه‌رت سه‌ر تا پاد که‌متر له چه‌و نه‌و

بنووڕ تــۊلْ ته‌ڕ چوزه‌ێ وه فراوان

پرچْ سه‌وڵْ سه‌وز چـۊ ناس له داوان

سۊیه‌رمێ خه‌و کیشاس له گلاره‌ێ شه‌و

نه‌قشـْمانێ داس له رۊ په‌رده‌ێ که‌و

هساره‌یل یه‌ک یه‌ک وه‌ نازْ چه‌وه‌و

گوڵ مێخه‌ک په‌ل په‌ل ده‌ن له وه‌رقه‌وه‌و

هه‌ر که پژوار به‌ر مانگا شه‌وه‌یل بوو

مه‌س له بوو مێخه‌ک و ناز چه‌وه‌یل بوو

رێ و یاری کاوه‌م سۊیه‌رمــێ چه‌و ها پیم

مشتێ زه‌نگیانه و میه‌رێ که‌و ها پیم

----------------------------------------------------------------------------------------------------------------------------------------------------------------------------------------------

واگه ێ پایز، هه ێ هه ێ هه ێ

باد پاییز با های هوی

کؤچه یله گان جاڕو ده ێ

کوچه ها را جارو می زند

وا،واران،خش خش خش

باد،باران،خش خش خش

وه لنگ داره یه ل،کش کش کش

برگ درختان کیش کیش کیش

کؤچه، که پوو،ده و،ده و،ده و

کوچه، قاصدک،و دویدن

میمگه پایز،به و،به و،به و

خاله پاییز بیا بیا بیا

***

دؤتم نازوو ڕه نگینه

دخترم ناز و قشنگ است

داونه گه ێ چین چینه

دامن او چین چین است

هه م تاتی و هه م دؤ ه تم

هم آبجی و هم دخترم

جوور ئاو بان تیه تم

مثل آب روی صخره هاست

زوولفێ هؤول و چه و ێ که و

مویش طلایی و چشمش آبی ست

چمان مانگه ها له خه و

مانند ماه است که خوابیده باشد

خودا شکرێ ڕا دؤه تم

خدایا شکرت برای دخترم

ڕووژی تیه ێده و مێه تم

روزی به کمکم می آید

گوپێ وینه ێ سیف وو به ێ

گونه هایش مثل سیب و به است

ئؤشم بگرم بخوه مه ێ

می گویم آنها را بخورم

----------------------------------------------------------------------------------------------------------------------------------------------------------------------------------------------

چه ود هساره ێ شه وه یل منه

به و تا نقره کوو خه وه یلم بکه ید

هساره ئاژن شه وه یلم بکه ید

دوار کیوه نه ی شه و دارزنی

ملوانکێ له مانگ دارشنی

یه ده نگ سمکوو سوار نیوره

یه مانگ نوه ئێ تازه سیوره

چوود له رزه خه ێده گیان گرمه هر

ئاگر ده ێ له گیان بلازه ێ ئاگر

چه ود هساره ێ شه وه یل منه

خێاڵد نیور چه وه یل منه

ده نگد خێاڵ خێڵ وه هاره

چه ود ئابادی ئێڵ وه هاره

شعری از امین شیرزادی

----------------------------------------------------------------------------------------------------------------------------------------------------------------------------------------------

زنگانی

له نێرینه‌ێ ده‌ڵیاگان دۊر بێ په‌ێ ماسییگ دڵ ته‌نگی که‌ێ ئڕا گوڵاو بۊچگێ ک زنگانی هه ڕووژ له‌ تێ تام ترش تۊرگ دا * له نێرینه‌ێ ده‌ڵیاگان دۊر بێ په‌ێ دڵ ته‌نگی چه‌نێ گه‌وراس و زنگانی چه‌نێ چه‌نێ تام سڵپ ده‌ێ

----------------------------------------------------------------------------------------------------------------------------------------------------------------------------------------------

خوەر باڵ چەو گل دا

سارۆ خوسرەوی ١ خوەر باڵ چەو گل دا شەونم لە شەرما زاییە دڵ زەیو زەیو هەناسەی سەوزێک هەڵمژی. ٢ خوەر باڵ چەو گل دا مەل خیاڵم لە ترس واشە پەرت بییە ناو پرچ دار گردەکان دارگردەکان لە خیاڵ من وەچ نەتەرەکان. ٣ خوەر باڵ چەو گل دا شەمشەکوورەێک دەسی لە داوان شەو بڕیا و لە پەر شار خوەی خوڵدوو کردیا. ۴ خوەر باڵ چەو گل دا وا خوەی کڕ کپ کرد سەرما نز لە خوەی بڕی دوویەتێ سەری پەتی کرد قەێتانەی گیسی شار لە دین دەر کرد. ۵ خوەر باڵ چەو گل دا لە بنمیچ چاتوڵ هوویرم فرە بوویچک نوڕستمە لەش شەکەت ساعەتەگەی ژویەر سەرم. کرچە کرچ ساعەت نیشانەی ئووخر خەیری ڕەوەنیگە ک وە ئەنازەی یە سیەپریوسنەگ دڵی وە ژیان خوەش نییە. ----------------------------------------------------------------------------------------------------------------------------------------------------------------------------------------------

یه‌ی روژ دوواره تیْه‌یدِنه‌و...

یه‌ی روژ دوواره تیْه‌یدِنه‌و

» یه‌ی روژ دوواره تیْه‌یدِنه‌و وه‌هار وه گه‌ردِ خُوه‌ی تیه‌ری

ئِی ته‌پ و توزه هه‌ل گِری،قه‌رار وه گه‌ردِ خُوه‌ی تیه‌ری

زانی چه‌نیگه خه‌و وه بان چه‌ویلمان نه‌نیشْتیه

باوشِ گه‌رم دالگ و شه‌وار وه گه‌ردِ خُوه‌ی تیه‌ری

وه ناو ئِی چوار دیواریه هه‌ناسِمان وه بان نیه‌تی

چه‌وه‌یلِ گه‌ن دُیْووْر بُو وه لی،هه‌سار وه گه‌ردِ خُوه‌ی تیه‌ری

وه‌ی پانه ده‌یشت و سای کُیْووه،خه‌و دیمه یه‌ی روژ تِیْه‌یدِنه‌و

ئه‌رای دوواره نیشتنیگ،ده‌وار وه گه‌ردِ خُوه‌ی تیه‌ری

قه‌یریگه قیره‌ی تُفه‌نْگْه‌یل وه ناو ده‌یْشْته‌گان نِیه‌تی

ئه‌رای مِن و ئه‌رای تُوفه‌نگ،شکار وه گه‌ردِ خُوه‌ی تیه‌ری

چه‌ن ساله سه‌وزی هُیْوچْ گِیای وه ئیره که‌س وه چه‌و نه‌یه

وه‌ی زُیْوْ دوواره تِیه‌یدِنه‌و،وه‌هار وه گه‌ردِ خُوه‌ی تیه‌ری

----------------------------------------------------------------------------------------------------------------------------------------------------------------------------------------------

شعری از رضا موزونی

داخ روڵه ئڕا باوگه‌یل شه‌کت، دالگه‌یل داخدار، مناله‌یل مه‌زلوم، روله‌یل شه‌هید ولاتم من ک براێ داخ دل سه‌رکه‌شم من ک گوله وو، ته‌رکش و زه‌خمه به‌شم ده‌فته‌ر هؤرم وه خودا کوت کوته مه‌خش مناڵی مه پڕێ راکته کووچ و ره‌وو ژان و هه بێچاره‌گی مه‌خش ئه‌وه‌ڵ ساڵ م ئاواره‌گی ئاو ئه‌وه‌ڵ ده‌رس م نه‌ؤ ئاگرؤ ده‌فته‌ر مه‌خشم له بڵازه‌ی پرؤ شعر مه نه‌ؤشم ک خڵاتم بکه‌ین فکرێ ئڕا زه‌خم وڵاتم بکه‌ین تام تیه‌ڵ زه‌خم و گوله دیمنه بان دڕگ پاێ په‌تی چیمنه له‌ێره چه‌نێ ئه‌زره‌ت که‌و که‌و چێه! له‌ێره ده‌س و پا و سه‌ر و چه‌و چێه! گش که‌سه‌گه‌م جه‌نگ که هه‌له‌ێوا نیه یه‌ێ ده‌فه دؤنید که ده‌س، پا نیه! کاش ته‌نگه زه‌خمیه‌گه‌ێ حاجیان زه‌خم سه‌ر شانی بێاشتا زووان داخ ئڕاێ ده‌رد نه‌وه تیاییه داخ ئڕا ئێ دڵ شکیاییه که‌ێ تِ شنفتیده ده‌نگ رووڵه‌ڕوو که‌ێ تِ وه چه‌و دیدنه زه‌خمه‌یل نو دار و کوچگ ڕا چوه نیه‌ته‌ینه‌و زووان داخ ئڕا شێره کوره‌یل خوه‌مان به‌رزو بڵێن، بی‌رێه هه‌ر جوور که‌ور خوه‌د و ده‌سد پاد بنیدن له قه‌ور! له‌ێ ده‌مه ‌له‌و ده‌رده وه‌تن وه خته ‌نه؟! رووڵه له باوش شه‌ل و کوت سه‌خته نه‌! شان شه‌که‌ت ژیر له‌ش روله نه‌و! مشتی گوله‌ێ داخ ، به‌ش روله نه‌و! وه‌ختێ ک چی گشت که‌سد نه‌یده خاک وه‌ختێ برایلد وه دسد نه‌یده خاک ئه‌و ده‌مه ک گیس ئه‌ڵه‌نگوو ده‌سه شین له‌ش باوگ نیه‌زانی چوه‌سه تیکه وه تیکه دڵه‌گه‌د قاچ که‌ید وه‌ختێ ده‌م سه‌رد کوڕد ماچ که‌ید بغز کؤه، ئه‌سر چه‌ویلم چه‌مه بایده زیارت وه وڵاتم که‌مه هه‌ر وه خوودا هه‌ر وه دڵ چاک چاک نه‌یمنه دژمن قه‌د یه‌ێ ویژه خاک

----------------------------------------------------------------------------------------------------------------------------------------------------------------------------------------------

یادی از استاد علی اشرف نوبتی ( پرتو کرماشانی)

علی اشرف نوبتی شاعر کرمانشاهی سالهاست با نام پرتو آشنای هر اهل ادبی در این دیار کُردنشین است . جدا از غزلیات فاخر فارسی ، بیشترین شهرتش به دلیل غزلیات نابی است که با زبان کُردی و گویش کرماشانی سروده شده است . سال پیش چاپ تازه ای از کتاب این شاعر با نام کوچه باغی ها به دست مخاطبان رسید که حاوی آثار فارسی و کُردی است و اشعار کُردی اش زبانزد خاص و عام است . برایش آرزوی سلامتی و تندرستی می کنیم وه‌هاران هات وچی ، واران نه‌واری گلی له‌ی باخه مشکل سه ر دراری مه گه خیون جوانه‌یلی که رشیاس بکه‌ی ئی سه‌رزه‌مینه ئاویاری ئه‌گه‌ر بومه ده‌سه گول په‌ر په‌رم که له ده‌ر مالد ئه‌گه‌ ری بیم ده‌رم که وه‌لی تا دلخوه‌شیم ئی هات و چینه دو سه رووژ ی تره‌ک ده‌س وه سه‌رم که دلم شکیا وه‌تم له تو جیا بووم تنیش کاری نه‌کردی دلنیا بووم گلاره ی راسه‌گه‌م شه‌رتو له داخت له ئی ملکه نه‌مینم ئه‌ر پیا بووم

----------------------------------------------------------------------------------------------------------------------------------------------------------------------------------------------

شعری از شاعر کُرد کرماشانی : اسد چراغی

آنها که با شعر کردی کرماشانی ظی دو دهه ی گذشته آشنایی دارند ، می دانند که اسد چراغی یا همان ناله ی کرماشانی از پیشکسوتان فعال انجمنهای ادبی و شب شعرهای مختلف کرُدی در استان کرمانشاه بود . چند سالی است که از او در این محافل خبری نیست . برای اینکه از این پیشکسوت شعر کُردی یادی کرده باشیم ، شعری از وی را با هم می خوانیم : "ئه‌و‌ه‌ڵ ئێرانی دۆوم کوردوکم" ئه‌و‌ه‌ڵ ئێرانی دۆوم کوردوکم قه‌وم ته‌وانای هه‌زار بلووکم من شاعر کورد، کوردی زوانم رووڵه‌ی ره‌ئووف خاک ئیرانم ئاریائی نژاد، مه‌رزه نشینم مه‌رزه‌بان خاک ئیران زه‌مینم ‌‌سه‌رتاسه‌ر ئیران نیشتمانمه زات بی‌زه‌واڵ حه‌ق میهمانمه وه‌ته‌ن په‌ره‌ستیگ خاوه‌ن یه‌قینم نژاد کاوه‌ی ئیران زه‌مینم ماد کورده‌وار نژاد پاکم پووک بی ئامان سه‌رف زۆحاکم تاریخ شاهده، سه‌رفه‌رازییم خه‌ده‌نگ خویری تورک و تازییم سازش ناپه‌زیر ده‌ست ئستعمارم دۆشمن شکه‌نم مه‌رد په‌یکارم نه‌ته‌وه‌ی ئاره‌ش خاوه‌ن که‌مانم ئه‌ڕای وه‌ته‌نم فره گمانم هه‌ر سفره‌ی ره‌نگین من میز‌بانم جفتیار، باخه‌وان، ئیڵم، شوانم ژیانم مه‌دیون ده‌ستره‌نج خوه‌مه دی وابه‌سته نیم خاترم جه‌مه نموونه‌ی فه‌توای شاه مه‌ردانم جوور شیرداڵگ حه‌ڵاڵه نانم کورد کشاوه‌رز خوه‌د بویچگ مه‌زان گۆڵ گه‌نمد ئارمه له جه‌هان یا خۆدا وه‌ته‌نم دایمه ئازاد بوو له‌ ناو جه‌هان سه‌ربه‌رز و شاد بوو

----------------------------------------------------------------------------------------------------------------------------------------------------------------------------------------------

بهاریه ای از دکتر علی سهامی

بهاریه ای از علی سهامی سه‌روه‌نه لاره شیرن، مانگ شه‌واره شیرن شیوه‌ی شکاره شیرن ، شیرن شاره شیرن زولف ، په‌شیو و لوو لوو ، چه و، هه چه وه یل ئاهوو سیف و گولاو و لیموو ، باخ ئه‌ناره شیرن «سه رمه سه » له ی هنازه و دیوه ت سه ر « سه یازه » و وه ختی ری که ی وه نازه و ، که و ک نساره شیرن جفته چه وه یل که و که و حسه ره ته مه ن تگی خه و ئیوشی وه « کافریگه و » ، مینگه نواره شیرن یه کله سواره شیرن ، نوگول شاره شیرن په لوه چ داره شیرن ئه تر وه هاره شیرن

----------------------------------------------------------------------------------------------------------------------------------------------------------------------------------------------

که‌پوو وه‌یلێ بؤم له دره چووڵێ

کرمرضا فتاحیان اسلام آباد

که‌پوو وه‌یلێ بؤم له دره چووڵێ

لێز گرتؤم وه ته‌وق سه‌ر که‌ر کووڵێ

چه‌نی چه‌ن مده‌ت ئه‌وره ماوام بؤ

تا پاییز ناتؤ له‌و شوونه ج

نظرات
ارسال نظر

Brianne
- ۱۳۹۶/۰۲/۲۶ - ۲۳:۰۲:۰۶
Hiya very cool website!! Guy .. Beautiful .. Wonderful ..

I will bookmark your blog and take the feeds additionally?
I am happy to seek out so many helpful information right here in the publish, we
need work out more strategies in this regard,
thank you for sharing. . . . . .
Ngan
- ۱۳۹۶/۰۲/۲۷ - ۰۱:۵۹:۲۰
I really love your blog.. Excellent colors & theme.
Did you create this amazing site yourself? Please reply back
as I'm looking to create my own personal website and would love to learn where
you got this from or exactly what the theme is called.
Many thanks!
Barbara
- ۱۳۹۶/۰۶/۱۴ - ۲۱:۴۲:۰۴
Hi there it's me, I am also visiting this web page regularly, this website is genuinely fastidious
and the viewers are genuinely sharing pleasant thoughts.
Jeannette
- ۱۳۹۶/۰۶/۱۶ - ۱۰:۵۳:۴۵
Its like you read my mind! You seem to know so much about this, like
you wrote the book in it or something. I think that you can do
with a few pics to drive the message home a little bit, but instead of that, this is great blog.
A fantastic read. I will certainly be back.

اشعار کردی

نظرات

ارسال نظر

Brianne

Ngan

Barbara

Jeannette